के पाउलान् त विश्वासको मत बानियाँले ?
हेटौंडा । बागमती प्रदेशमा नेपाली कांग्रेस भित्रको रसाकस्सीले मुख्यमन्त्री ईन्द्रबहादुर बानियाँले विश्वासको मत पाउँछन् कि पाउदैनन् भन्ने विषयमा अन्योलता छाएको छ । साउन २७ गते अर्थात आज दिउसो ४ बजे बानियाँलेले प्रदेश सभा आव्हान गरेका छन् ।
नेपाली कांग्रेस र नेकपा एमालेको संयुक्त गठबन्धनमा बानियाँ मुख्यमन्त्रीमा नियुक्त भएका थिए । विश्वासको मतको लागि कांग्रेस र एमाले दुबई दलले हिव्प जारी गरिसकेको छ । आज ४ बजे प्रदेश सभाबाट विश्वासको मत लिने तयारीमा मुख्यमन्त्री बानियाँ छन् । आफूले राजीनामा दिनु पूर्व गरिएको प्रतिबद्धता कार्यान्वयन नभई मुख्यमन्त्रीलाई विश्वासको मत दिन नसकिने बताउँदै आएको निवर्तमान मुख्यमन्त्री बहादुरसिंह लामाको टोली दिउँसोको ३ बजिसक्दा समेत काठमाडौँमै बसेको छ।
तर , कांग्रेसका बहादुरसिंह लामा पक्षमा १४ जना सांसद भने अहिलेसम्म हेटौंडा आईपुगेका छैन् । लामा पक्ष काठमाडौंमा राजनीतिक परि घटनाहरुलाई लिएर छुट्टै बैठक बसिरहेका छन् ।
सत्ता साझेदार दल नेकपा एमालेको २७ र नेपाली कांग्रेसको ३७ जना सांसद गरि ६४ जना सांसदको समर्थनमा २१ साउनमा मुख्यमन्त्रीमा नियुक्त भई पद तथा गोपनियताको शपत ग्रहण गरेका मुख्यमन्त्री बानियाँलाई विश्वासको मत लिन हम्मेहम्मे परि रहेको छ । लामा पक्षको तीन सांसदलाई मन्त्री नियुक्त गर्नु पर्ने लामा पक्षको माग छ । बानियाँले मुख्यमन्त्री बन्नको लागि गरिएको पुर्व सहमतिलाई लत्ताए पछि लामा पक्ष आवेकमा आएका हुन् । यसो हुँदा ४ बजेलाई राखिएको समय फेरबदल हुने सम्भावना बढेको छ। तर प्रदेशसभा सचिवालयका अनुसार समय फेरबदलको कुरा हालसम्म आएको छैन ।
उनीहरूले विश्वासको मत दिनुअघि आफ्ना माग सम्बोधन गर्न दबाब बढाई रहेका छन् । मुख्यतः, लामाले आफ्नो नेताको हैसियतमा नियुक्त गरेका गोविन्द लम्साल, माया श्रेष्ठ र गीता गुरूङलाई नवगठित मन्त्रिपरिषद्मा समावेश गरिनुपर्ने माग गर्दै आएका छन् । तीनै जनालाई लामाले आन्तरिक मामिला तथा कानुन, युवा तथा खेलकुद, र सहकारी तथा गरिबी निवारण मन्त्रालयमा नियुक्त गरेका थिए, तर संसदीय दलको नेताबाट हटाइएपछि उनीहरूको पद बहाल हुन सकेको छैन।
