चितवन जिल्लाको विभिन्न ठाउँमा ३ जनाकाे मृत्यु
चितवन । चितवन जिल्लाको रत्ननगर नगरपालिका–८, श्रीदेवीटोलमा एकजना मानिसको मृत्यु भएको छ । पर्सा जिल्लाको पोखरिया नगरपालिका–८ घर भई हाल रत्ननगर–१४, श्रीदेवीटोलमा डेरा गरी बस्ने ५० वर्षीय राप्रसाद सहनी मृत्यु भएको हाे ।
त्यसै गरि भरतपुर महानगरपालिका–२९, बालेटारमा बिहीबार दिउँसो राजेन्द्र आचार्यकाे मृत्यु भएको छ । ४२ वर्षीय राजेन्द्र आचार्य आफ्नै घरको आँगनको भित्तामा अडेस लागी मृत अवस्थामा भेटिएको प्रहरीले जनाएको छ ।
साथै चितवन जिल्लाको भरतपुर महानगरपालिकाका ६८ वर्षीय पदम पाण्डे रत्ननगर–६ स्थित दक्षिणकाली मध्यवर्ती सामुदायिक वनभित्र रहेको घोलमा मृत अवस्थामा भेटिएको बागमती प्रदेश प्रहरी कार्यालय हेटौँडाले जनाएको छ ।
