सिभिल अस्पताल प्रालिका सञ्चालक पक्राउ, अस्पताल संचालनको मापदण्ड उल्लंघन
रौतहट – रौतहटको चन्द्रपुर–४ स्थित सिभिल अस्पताल प्रालिका सञ्चालकलाई प्रहरीले पक्राउ गरेको छ। अस्पतालको मापदण्ड पूरा नगरेको र अनुगमनपछि सञ्चालन अनुमति नगरी अस्पताल खोलेको आरोपमा सञ्चालकलाई पक्राउ गरिएको हो।
गत शनिवार मधेस प्रदेशका मुख्यमन्त्री सतिशकुमार सिंहले सिभिल अस्पताल र अन्य केही स्वास्थ्य संस्थाहरूको अनुगमन गर्दै यी अस्पतालहरूका सञ्चालनमा मापदण्डको उल्लंघन भएको भन्दै तत्काल बन्द गर्न निर्देशन दिएका थिए। यसैको पालन नगरी अस्पताल सञ्चालन गरेको आरोपमा सञ्चालक साहलाई प्रहरीले पक्राउ गरेको छ।
इलाका प्रहरी कार्यालय चन्द्रनिगाहपुरका प्रमुख, प्रहरी नायव उपरीक्षक (डिएसपी) राजकुमार राईका अनुसार, सञ्चालकलाई पटकपटक सम्झाउने प्रयास गरिएको भए पनि उनले बेवास्ता गरेको थियो। यसको परिणामस्वरूप उनलाई पक्राउ गरी हिरासतमा राखिएको जानकारी प्राप्त भएको छ।
मुख्यमन्त्री सिंहले सिभिल अस्पतालसहित चन्द्रनिगाहपुर क्षेत्रका अन्य स्वास्थ्य संस्थाहरूलाई पनि मापदण्ड पूरा नगरेको भन्दै बन्द गर्ने पत्र जारी गरेका छन्। यी अस्पतालहरूले स्वास्थ्य सेवामा गुणस्तर र मापदण्ड पालन नगरेको कारण स्थानीयवासीलाई मञ्चका लागि असहज स्थिति आएको थियो।
साथै, मुख्यमन्त्री सिंहले निर्देशिका जारी गर्दै भने, “सम्पूर्ण स्वास्थ्य संस्थाहरूले निर्धारित मापदण्ड पूरा नगरेमा तिनीहरूको सञ्चालनमा रोक लगाउन र स्वास्थ्य सेवामा सुधार ल्याउन आवश्यक छ।”
लोकप्रिय
ताजा समाचार
