संविधानका आधारभूत विशेषता कमजोर हुन हुदैन : शेरबहादुर देउवा
काठमाडौं । नेपाली कांग्रेसका सभापति शेरबहादुर देउवाले संविधान संशोधन गर्दा संविधानका आधारभूत विशेषता कमजोर हुन नहुने बताएका छन् ।
आज भएको प्रतिनिधिसभाको बैठकलाई सम्बोधन गर्नु हुदै देउवाले संघीय लोकतान्त्रिक गणतन्त्रात्मक शासन व्यवस्था र समावेशितालगायतका संविधानका आधारभूत विशेषता कमजोर हुन नहुने बताए ।
देउवाले संविधान प्रारम्भ भएको दश वर्ष भइसकेकाले संविधानको अभ्यासको समीक्षा गर्ने समय आएको बताए ।
देउवाले राजनीतिक दलहरूका बीचमा सहमतिका आधारमा संविधान संशोधन गर्नुपर्ने बताए । संविधान संशोधनका विषयमा छलफल प्रारम्भ भइसकेको भन्दै अन्य राजनीतिक दलहरूसँग पनि संवाद, सहमति र सहकार्यका साथ अघि बढ्नुपर्ने बताए ।
लोकप्रिय
ताजा समाचार
