मकवानपुरमा ठूलो परिमाणमा लागूऔषध सहित तीन जना पक्राउ
मकवानपुर प्रहरीले ठूलो परिमाणमा चरेश, अफिम र गाँजासहित तीन जना व्यक्तिलाई पक्राउ गरेको छ। एकै रातमा भएका यी तीनवटा गिरफ्तारीहरूले प्रहरीको लागूऔषध नियन्त्रण अभियानलाई महत्वपूर्ण सफलता दिएको छ ।
गएराति प्रहरीले दुई भारतीय नागरिकलाई २१ किलो ४६० ग्राम चरेश र ३ किलो ४७० ग्राम अफिमसहित पक्राउ गरेको छ । यी दुई भारतीय नागरिकहरूमा २५ वर्षीय कुनाल गोथ्वाल र २० वर्षीय मनिस कुमारका रहेका छन् । उनीहरूलाई विशेष सुचनाका आधारमा मकवानपुरको थाहा नगरपालिका–११ स्थित त्रिभुवन राजपथ सडकखण्डबाट पक्राउ गरिएको हो ।
यसैबीच, अर्को कार्यवाहीमा, प्रहरीले १ सय १ किलो गाँजासहित २० वर्षीय राजन रारुत कुर्मीलाई पक्राउ गरेको छ । उनी गाँजा वीरगञ्जबाट हेटौंडा ल्याइरहेको अवस्थामा रंगेहात समातिएका छन्। प्रहरी टोलीले रातोमाटे प्रहरी चौकीबाट खटिएको थियो र २० वर्षीय राजनलाई डिएल १३ सी १५६१ भारतीय नम्बरको कारबाट गाँजा सहित पक्राउ गरेको जिल्ला प्रहरी कार्यालय मकवानपुरका डिएसपी श्यामु अर्यालले जानकारी दिए
लोकप्रिय
ताजा समाचार
