इस्वी संवतको पहिलो दिन नेपाली टोपी र राष्ट्रिय पोशाक दिवस मनाइँदै
हेटौंडा । आज इस्वी संवतको नयाँ वर्ष २०२५ को अवसरमा राष्ट्रिय पोशाक र टोपी दिवस मनाइँदै छ। यो दिवस विशेषतस् नेपाली टोपी र पोशाकको सांस्कृतिक महत्त्वलाई प्रवर्द्धन गर्ने उद्देश्यले मनाइन्छ। केही वर्षअघि देखि स्वतःस्फूर्त रूपमा यस दिनलाई राष्ट्रिय पोशाक दिवसको रूपमा मनाउन थालिएको हो।
नेपाली टोपीको सांस्कृतिक र ऐतिहासिक महत्त्वलाई ध्यानमा राख्दै, यस दिनको आयोजना गरिन्छ। नेपाली टोपीको विशेषता भनेको यसको पहिचान र विविधता हो, जुन बङ्गलादेशको ढाका, कश्मीर, टर्की, कैलाश पर्वत र पाल्पासँग पनि जडित छ। विशेष रूपमा, भाद्गाउँले टोपी र ढाका टोपीलाई नेपाली टोपीको रूपमा चिनिन्छ।
यद्यपि, विभिन्न समुदायका मानिसहरूले आफ्ना सांस्कृतिक पहिचानको आधारमा विभिन्न प्रकारका टोपी लगाउने परम्परा पनि कायम राखेका छन्।
