विराटनगर किंग्सको पहिलो जित, लुम्बिनी लायन्सलाई २ विकेटले हरायो
विराटनगर किंग्सले नेपाल प्रिमियर लिगमा लुम्बिनी लायन्सलाई २ विकेटले हराउँदै प्रतियोगितामा पहिलो जित हात पारेको छ। १९२ रनको विशाल लक्ष्य पछ्याउने क्रममा विराटनगरले ८ विकेट गुमाएर रोमाञ्चक तरिकाले जित पूरा गर्यो।
लुम्बिनी लायन्सले पहिले ब्याटिङ गर्दै २० ओभरमा ७ विकेटको क्षतिमा १९१ रनको उच्च स्कोर बनाएको थियो, जसले अहिले सम्मको एनपिएलको उच्चतम स्कोर बनाएको छ। ओपनर आशुतोष घिरोहिया र अर्जुन साउद छिट्टै आउट भए, तर कप्तान रोहित पौडेल र टम मोरेजले आक्रामक पारी खेल्दै ६७ रनको साझेदारी गरे। रोहितले ४६ रन बनाएर अर्धशतकको नजिक पुग्दा आउट भए, भने टमले ३० रनको योगदान दिए। अन्य ब्याटर साद बिन जाफर, सन्दीप जोरा र विवेक यादवले थोरै योगदान गरे, तर विराटनगरको बलिङ शक्तिले लुम्बिनीलाई २० ओभरमा सबै विकेट गुमाएर १९१ रनमा समेट्न सफलता हासिल गर्यो। विराटनगरका सन्दीप लामिछाने, इस्मात अलाम र राजेश पुलामीले एक(एक विकेट लिए।
जवाफमा विराटनगर किंग्सको सुरूवात कमजोर थियो, जब ओपनर इस्मत अलाम खाता खोले बिना आउट भए। तर, मार्टिन गप्तिल र लोकेश बमले ६२ रनको साझेदारी गर्दै पारीलाई स्थिरता दिइ। मार्टिन २८ रन बनाउदा आउट भए, र बसिर अहमदले ४० रन बनाए। त्यसपछि लोकेश बमको विस्फोटक ब्याटिङले गर्दा विराटनगर किंग्सलाई जितको नजिक पुर्यायो। लोकेशले ४७ बलमा ७१ रन बनाउँदै ३ चौका र ६ छक्कासहित शानदार अर्धशतक पूरा गरे।
यद्यपि, विराटनगरले अन्तिम ओभरहरूमा दबाब महसुस गरेको थियो। १६ रनको लक्ष्य बच्ने क्रममा क्रिस सोलले ६ बलमा एक छक्का र दुई चौका प्रहार गर्दै नाटकीय ढंगले विराटनगरलाई २ विकेटको जित दिलाए। यस जितसँगै विराटनगर किंग्सले तीन खेलपछि पहिलो जित हासिल गरेको हो, जबकि लुम्बिनी लायन्सलाई प्रतियोगितामा पहिलो हारको सामना गर्नुपर्यो।
