सर्वोच्च अदालतका लागि प्रस्ताबित न्यायाधीशद्वय नृपध्वज निरौला र नित्यानन्द पाण्डे अनुमोदित
काठमाडौ । सर्वोच्च अदालतका लागि प्रस्तावित न्यायाधीशद्वय नृपध्वज निरौला र नित्यानन्द पाण्डे को नाम संसदीय सुनुवाई समितिले अनुमोदित गरेको छ। शुक्रबार सिंहदरबारमा बसेको बैठकमा समितिका ज्येष्ठ सदस्य पशुपतिसमशेर जबराले यी दुवै न्यायाधीशको नाम योग्यता, क्षमता र अनुभवको आधारमा अनुमोदन गरिएको जानकारी दिएका छन्।
संघीय संसदको संयुक्त बैठक र संयुक्त समिति कार्य सञ्चालन नियमावली, २०८० तथा संसदीय सुनुवाई समितिको कार्यविधि २०८० बमोजिम समितिमा सुनुवाई गर्दा दुवै न्यायाधीशको नाम अनुमोदन गरिएको जबराले बताए ।
संसदीय सुनुवाई समितिको अनुमोदनपछि, अब न्यायाधीशहरूको नियुक्ति प्रक्रिया राष्ट्रपतिको स्वीकृतिपछि अघि बढ्नेछ। संविधान अनुसार, न्यायाधीश नियुक्तिको लागि संसदीय सुनुवाई समितिको अनुमोदन अनिवार्य छ।
