बागमती प्रदेश लोकसेवा आयोगको अध्यक्षमा श्रेष्ठको नाम सिफारिस आइतबार नियुक्ति दिइने
बागमती प्रदेश लोकसेवा आयोगको अध्यक्ष पदमा महेश्वर श्रेष्ठको नाम सिफारिस भएको छ। मुख्यमन्त्री बहादुर सिं लामा, सभामुख भुवनकुमार पाठक र विपक्षी दलका नेता शालिकराम जम्मकट्टे रहेको ३ सदस्यीय सिफारिस समितिले २१ असोजमा निर्णय गरेको हो।
पूर्व अध्यक्ष सुरेशमान श्रेष्ठ उमेरको कारण पदमुक्त भएपछि ७ महिना लामो रिक्ततापछि महेश्वर श्रेष्ठको नाम सिफारिस गरिएको हो। उनले बिहीबार सरकारी सेवाबाट अवकाश लिएका छन् र प्रदेश प्रमुख कार्यालयले आइतबार कार्तिक ०४ गते नियुक्ति र सोमबार सपथ गराउने तयारी गरेको छ।
