बीपी राजमार्ग पुनः सञ्चालनमा
काठमाण्डौ । बीपी राजमार्ग आजदेखि सञ्चालनमा आएको छ। असोज १०, ११, र १२ गतेको अविरल वर्षासँगै आएको बाढीले मुख्य मार्ग अवरुद्ध बनाएको थियो। बाढीपहिरोले क्षति पुर्याएपछि अवरुद्ध भएको राज मार्ग संचालनमा आएको हो ।
भौतिक पूर्वाधार विकास मन्त्रालयका सचिव केशव शर्माका अनुसार, आज बिहान ८ बजेदेखि सडक खुल्ला भएको र मर्मतको अन्तिम चरणमा काम भइरहेको छ। यस राजमार्गमा १२ किलोमिटरभन्दा बढी भागमा क्षति पुगेको थियो।
अहिले कतै एकतर्फी र कतै दुईतर्फी सञ्चालन भएको छ, यद्यपि केही स्थानमा जोखिम कायमै रहेको उनले बताए। सडक खुलिसकेपछि यात्रुहरूको आवागमनमा सहजता आएको छ।
