मकवानपुरमा ३९२ किलो गाँजासहित २ जना पक्राउ
हेटौंडा । मकवानपुर प्रहरीले हेटौंडा उप महानगरपालिका वडा नं. १५ रातोमाटे चेकपोष्टमाबाट ३९२ किलो लागूऔषध गाँजा र ट्याङकर गाडी सहित २ जनालाई पक्राउ गरेको छ।
प्रहरी चौकी रातोमाटेबाट खटिएको टोलीले बिहान पालुङबाट बिरगंज तर्फ जाँदै गरेको ना ७ ख १७७१ नम्बरको ट्याङकर गाडीलाई रोकेर चेकजाँच गरेको थियो।
चालक २६ वर्षीय रोशन पुरी र सहचालक २२ वर्षीय धन बहादुर मल्ललाई शंका लागेर गाडी र उनीहरूको शरीरको खानतलासी गर्दा ट्याङकरको डिब्बामा २५ वटा पोका गाँजा लुकाइएको अवस्थामा फेला परेको थियो। पक्राउ परेका दुई जनाको अनुसन्धान जारी रहेको प्रहरीले जनाएकाे छ।
