तीन दिन ठूलो पानी पर्ने सम्भावना कम
काठमाडौं । मौसम पूर्वानुमान महाशाखाको अनुसार, अबको तीन दिन ठूलो पानी पर्ने सम्भावना कम रहेको छ,। तर पनि मनसुनको प्रभावले केही ठाउँमा सामान्यदेखि मध्यम वर्षाको सम्भावना भने कायमै रहेको छ। अहिले लुम्बिनी र गण्डकीसहित देशका पहाडी क्षेत्रहरूमा केही बादल लागेको छ, तर अधिकांश ठाउँमा आकाश खुलेको छ।
आज दिउँसो देशभर सामान्य बदली रहने छ, र कोशी, बाग्मती, गण्डकी र लुम्बिनी प्रदेशका केही स्थानमा हल्कादेखि मध्यम वर्षाको सम्भावना छ। मनसुनको प्रभाव कमजोर हुँदै गइरहेकोले, लामो समयसम्म पानी पर्ने सम्भावना न्यून रहेको छ।
