कुन कुन अवरुद्ध सडकहरू खुल्न बाँकी ?
काठमाडौं । बाढी र पहिरोका कारण धेरै सडकहरू अझै अवरुद्ध छन्, जसले गर्दा आवागमनमा कठिनाई सिर्जना भएको छ। काठमाडौँ उपत्यकामा नागढुङ्गा–नारायणगढ सडक खुल्नुले केही राहत दिलाएको भए पनि, वीपी राजमार्ग र काठमाडौँ–हेटौँडा सडक अझै पनि खुल्न बाँकी छ।
काभ्रेको रोशी खोलामा आएको बाढीले वीपी राजमार्गलाई पूर्ण रूपमा अवरुद्ध गरिसकेको छ, जसले काठमाडौँ उपत्यकामा गाडीको आवागमनमा ठूलो असर पारिरहेको छ। साथै, सिन्धुलीको गोलन्जोर र फिक्कलमा खसेको पहिरोले मध्यपहाडी लोकमार्गलाई पनि प्रभावित पारेको छ।
रामेछापको मन्थलीमा पुलहरू बग्दा खुर्कोट–मन्थली र नेपालथोक–मन्थली सडकहरूमा गाडी चल्न सकेका छैनन्। सगरमाथा राजमार्ग र मेचीराजमार्गमा पनि बाढीका कारण सडकहरू अवरुद्ध छन्। प्रहरीका अनुसार अवरुद्ध सडकहरू खोल्नका लागि प्रयास भइरहेको छ, तर चुनौती भनेको पहिरो र बाढीको कारण जनजीवन र यातायातमा आएको प्रभाव हो।
हेर्नुहोस तालिका ….
