भरिनै लाग्यो कुलेखानी ड्याम : सर्तक रहन स्थानीय बासिन्दाहरूलाई प्रशासनको अनुरोध
हेटौंडा । लगातार बर्षाका कारण मकवानपुरको इन्द्रसरोवर गाउँपालिका अन्तर्गत कुलेखानी ड्याममा पानीको स्तर बढ्न थालेकोले स्थानीय बासिन्दाहरूलाई सर्तक रहन प्रशासनले विशेष अनुरोध गरेको छ । ड्याममा जलको प्रवाह अत्यधिक रुपमा वृद्धि भइरहेको र यसका कारण ड्यामको सुरक्षा प्रणालीमा समस्या आउन सक्ने अनुमान गरिएको छ ।
प्रशासनको सूचना अनुसार, कुलेखानी ड्यामका ढोकाहरू खोल्नुपर्ने स्थितिमा हुन सक्छ यसले गर्दा सिस्नेरी हुँदै वाग्मती नदी किनारका बस्तीहरूमा अचानक बाढी आउने सम्भावना बढेको छ । यस कारणले प्रशासनले तल्लो तटीय क्षेत्रमा बसोबास गर्ने स्थानीय बासिन्दाहरूलाई उच्च सतर्कता अपनाउन आग्रह गरेको हो ।
यस घटनासँग सम्बन्धित स्थानीय अधिकारीहरूले बताए अनुसार पानीको मात्रा बढ्न थाल्छ भने, बाँधको सुरक्षामा ध्यान दिइनु अत्यन्त आवश्यक हुन्छ । स्थानीय बासिन्दाहरूलाई सुरक्षित स्थानमा जान र आवश्यक तयारी गर्न पनि प्रशासनले सुझाव दिएको छ ।
साथै, प्रशासनले स्थानीय सुरक्षा बल र स्वयंसेवकहरूलाई पनि हाइ एलर्टमा रहन अनुरोध गरेको छ, ताकि कुनै पनि आकस्मिक अवस्थाको लागि तत्काल प्रतिकार्य गर्न सकियोस् ।
यसैबीच, बाढीको सम्भावित प्रभावलाई मध्यनजर गर्दै स्थानीय बासिन्दाहरूले पनि आफ्नो सुरक्षा र आवासलाई सुरक्षित राख्नका लागि विभिन्न उपाय अपनाउँदैछन्। समुदायका नेताहरू र संघसंस्थाहरूले मिलेर बाढीको जोखिमका बारेमा जनचेतना फैलाउने कार्य गरिरहेका छन्।
स्थानीय बासिन्दाहरूले भने, ूहामीले ड्यामको स्थिति प्रति ध्यान दिनुपर्छ । यसले हाम्रो जीवन र सम्पत्तिमा ठूलो असर पार्न सक्छ । उनीहरूले विभिन्न स्रोतबाट बाढीको अवस्था बारेमा अपडेट राखिरहेको बताएका छन् ।
