दुर्गा प्रसाईंलाई आन्दोलनमा सहभागी नहुन जेनजीको आग्रह
काठमाडौं । भोलि सोमबार जेनजी पुस्ताले गर्न लागेको आन्दोलनमा दुर्गा प्रसाईंले सहभागी नहुन आग्रह गरेका छन् । प्रसाईंले आफु पनि आन्दोलनमा सरिक हुने भन्दै स्टाटस लेखेपछि केही युवाले उनीसँग आइतबार अपराह्न फोन गरेर उनीहरुले प्रदर्शनमा सहभागी नभइदिन आग्रह गरेका हुन् ।
स्रोतका अनुसार, आइतबार अपराह्न ५ बजे माइतीघर मण्डलामा केही जेनजी युवा स्वतस्स्फूर्त भेला भएर प्रदर्शनबारे छलफल गरेका थिए । त्यसक्रममा प्रसाईंको विषय समेत उठेको थियो । त्यसपछि बैठकमा सहभागी एक युवाले प्रसाईंलाई फोन गरेर नआउन आग्रह गरेकी थिइन् ।
जवाफमा प्रसाईंले आफू नआउने बताएको उनले जानकारी दिएका छन् । जेनजी पुस्ताले सोमबार माइतीघर मण्डलामा भ्रष्टाचारविरुद्ध प्रदर्शन गर्दैछन् । सामाजिक सञ्जालमाथि लगाइएको प्रतिबन्ध समेत तत्काल फुकुवा गर्नुपर्ने उनीहरूको माग छ ।
