सरकारभित्र शक्ति सन्तुलनको सङ्केत, बागमतीका चार मन्त्रीको एकैचोटि राजीनामा
हेटौंडा । बागमती प्रदेश सरकारमा एकाएक चार मन्त्रीले राजीनामा दिएका छन् ।
युवा तथा खेलकुदमन्त्री मिनकृष्ण महर्जन, आन्तरिक मामिला तथा कानुनमन्त्री सुरजचन्द्र लामिछाने, संस्कृति तथा पर्यटनमन्त्री विमल ठकुरी, र सहकारी तथा गरिबी निवारणमन्त्री मधुकुमार श्रेष्ठले पद त्याग गरेपछि यो घटनालाई साधारण राजनीतिक परिवर्तनको सट्टा आन्तरिक शक्ति सन्तुलनको प्रयासका रूपमा हेरिएको छ।
राजीनामा दिने चारै जना मन्त्रीहरू सत्ता गठबन्धनमा आबद्ध दलहरूसँग निकट छन्। उनीहरूको सामूहिक निर्णयले प्रदेश सरकारभित्र नीति र नेतृत्वमा असहमति चुलिँदै गएको देखिन्छ। उक्त कदमलाई सत्तारूढ गठबन्धनमा व्यापक पुनर्संरचनाको सुरुवातका रूपमा पनि हेरिएको छ ।
यस घटनाले सत्ताको स्वरूप परिवर्तन गर्न सक्ने सम्भावना बोकेको छ, तर आगामी बजेट कार्यान्वयन, विकास परियोजना र स्थायित्वका एजेन्डामा पनि असर पार्न सक्छ।
